Нууцалсан дугаар утсыг эгшүүлэнэ
Нууц ноёнтон зүрхийг минь эмзэглүүлсэн
Одоо бүх зүйл хэвийн гэж би хариулахгүй ээ
Оронд нь шинэ би “Ciao” гэж утсаа тасална
Хүйтэн усаар нүүрнээсээ гунигийг үргээж
Цуурсан толинд өөр лүүгээ нэг мишээнэ

Энэ шөнө, шинэ эхлэл! Hey yeah!
Савхин хүрмээ шүүрнэ
Сайн уу? Шинэ ертөнц!

Дх:
Гунигаа шууд хөнтрөөд баяр баяслаар даруул, бүсгүй минь
Нулимсаа нуу, будаг чинь бууна
Зовлонгоо уушгилж итгэл болгон үлээгээч, бүсгүй минь
Шантрал гоо сайхныг чинь нууна

Хүмүүсийн харц толгойноос хөл рүү өнхөрнө
Хүйтэн харж, дулаан инээж би өнгөрнө
“Бурхан минь, таньсангүйшд” гэж танилууд минь мэндэлнэ
Буян нүгэл яг энэ шөнө хамт нэгдэнэ
Ирээдүй рүү би, эргэлт буцалтгүй
Хаалга саван орно. Oh!
Яг энд, энэ шөнө, шинээр төрнө!
Савхин хүрмээ шүүрнэ!

Дх:
Гунигаа шууд хөнтрөөд баяр баяслаар даруулаач, бүсгүй минь
Нулимсаа нуу, будаг чинь бууна
Зовлонгоо уушгилж итгэл болгон үлээгээч, бүсгүй минь
Шантрал гоо сайхныг чинь нууна